Viral Video: సముద్రంలో భారీ బాంబు పేల్చివేత…వీడియో వైరల్

ఒకటి కాదు రెండు కాదు…ఏకంగా 18వేల కిలోల బాంబుని సముద్రంలో పేల్చేశారు. సముద్రం మధ్యలో జలచరాలు లేకుండా చూసి ఈ బాంబును పేల్చివేశారు. పర్యావరణానికి నష్టం వాటిల్లకుండా తగిన చర్యలు చేపట్టారు. అమెరికా తూర్పు తీరంలో ఈ పరీక్ష చేసినట్లు అమెరికా నావీ ప్రకటించింది. కానీ ఆ వీడియో మాత్రం చాలా భయానకంగా ఉంది. అమెరికా ఎస్ జెరాల్డ్ ఆర్ ఫోర్డ్ నౌకపై నుంచి అట్లాంటిక్ మహా సముద్రంలో మొదటి పేలుడు పరీక్షను నిర్వహించింది.

సుమారు 18143కిలోల బరువున్న బాంబును సముద్రం అడుగు పేల్చింది. ఫుల్ షిప్ షాక్ ట్రయల్స్ లో భాగంగా కొత్త నౌకలు బాంబు పేళుళ్లను ఎలా తట్టుకుంటాయన్నది తెలుసుకునేందుకు ఈ పరీక్షను నిర్వహించింది. జలచరాలు పర్యావరణానికి ఎలాంటి నష్టం జరగకుండా అమెరికా తూర్పు తీరంలో ఈ పరీక్ష చేసినట్లు నౌకా దళం ప్రకటించింది. అయితే పేలుడు ధాటికి సముద్రం నీళ్లు ఎగిసిపడ్డాయి. దాని తరంగాలు చాలా దూరం విస్తరించాయి. తీసిన వీడియో కూడా ఒక్కసారిగా షేకయ్యింది. 10 నుంచి అంకెలు లెక్క పెట్టగానే పెద్దగా శబ్దం వినిపించింది నీళ్లన్నీ కూడా పైకి ఎగిసిపడ్డాయి. భూకంపం వచ్చిందా అనే విధంగా శబ్ధం వినిపించింది. ఇప్పుడా వీడియో వైరల్ అవుతోంది.